AWANA

Association of Wolayta And Allies In North America

                     በሰሜን አሜሪካ የወላይታ ተወላጆችና ወዳጆች ማህበር

gallery/picture3
gallery/awana1
gallery/sodo1

 

በሰሜን አሜሪካ የወላይታ ተወላጆችና ወዳጆች ማኅበር መግለጫ በወቅታዊ የወላይታ ጉዳይ:

May 15, 2019

የወላይታ ሕዝብ ለዘመናት መዋቅራዊ ማግለል ሲፈጸምበት የኖረ መሆኑን ታሪክ ይመሰክራል። ይህ ሕዝብ በአሁኑ ጊዜ መብቱን ለማስከበር፣ በአገሪቱ ውስጥ የሚታየውን አንጻራዊ ለውጥ ተቋዳሽ ለመሆን፣ ወጉንና ባሕሉን ለማስጠበቅና ራሱን በራሱ የማስተዳደር ሕገመንግሥታዊ መብቱን ለመጠቀም፣ ሌሎችንም ሰብአዊና ዴሞክራሲያዊ መብቶቹን ለማረጋገጥ ሰላማዊ በሆነ መንገድ ፍላጎቱን ለመግለጽ በጠየቀው መሰረት የዞኑ መንግስት ፈቃድ የመስጠቱ ዜና አበረታች ነው። መንግስት የሕዝቡን ጥያቄና ፍላጎት በቅርበት መስማትን እንደ መልካም ልምድ መቀጠል አለበት ብለንም እናምናለን። ዋናው ነገር ሕዝቡ ለብዙ ዘመናት ሲጠይቅ የነበረውን:-

1. ራሱን በራሱ የማስተዳደር ተፈጥሮአዊ፣ ታሪካዊና ሕገ-መንግሥታዊ መብቱን ለመጠቀም ክልል የመሆን ፍላጎቱንና ሕዝበ-ውሳኔውን ለሚመለከታቸው መንግሥታዊ መዋቅሮች ሁሉ ባቀረበው መሠረት መንግሥት ግልጽና የማያወላዳ መፍትሔ በአስቸኳይ እንዲሰጥ ጥሪያችንን እናቀርባለን።

2. ከቅርብ ጊዜ ወዲህ በጽንፈኛ የጎሳ ፖለቲከኞች ጠንሳሽነትና አስፈጻሚነት የወላይታ ተወላጆች በተለያዩ የአገራችን ክፍሎች ተንቀሳቅሰው የመኖርና ሀብት የማፍራት ሕገ መንግስታዊ መብታቸውን ተቀምተዋል፣ ተገድለዋል፣ ተፈናቅለዋል፣ ተስድደዋል። ይህ አሳፋሪና እኩይ ተግባር በአስቸኳይ እንዲቆምና በድርጊቱ የተሳተፉ ወንጀለኞች ለፍርድ እንዲቀርቡ መንግስት ግዴታውን እንዲወጣ በድጋሚ እንጠይቃለን።

የወላይታ ሕዝብ ይህንን ሰልፍ ፍጹም ሰላማዊ በሆነና በሰከነ መንገድ እንዲያካህድ፣ ለየትኛውም የነውጥ ኃይሎች ፍላጎት ምንም ክፍተት ሳይሰጥ እርስ በርሱ ተጠባብቆ የውስጡን ጥልቅ ስሜት እንዲገልጽ በትህትና እየጠየቅን በሰሜን አሜሪካ የወላይታ ተወላጆችና ወዳጆች ማኅበር ከሕዝባችን ጎን የሁል ጊዜ አጋር በመሆን መቆሙን በደስታ እንገልጻለን።

እግዚአብሔር ኢትዮጵያንና ህዝቦቿን ይባርክ!!
በሰሜን አሜሪካ የወላይታ ተወላጆችና ወዳጆች ማኅበር ፟፟ አዋና

News